English poetry

Poems in English

512. Song-Guid ale keeps the heart aboon

512. Song-Guid ale keeps the heart aboon

Chorus-O gude ale comes and gude ale goes;
Gude ale gars me sell my hose,
Sell my hose, and pawn my shoon-
Gude ale keeps my heart aboon!

I HAD sax owsen in a pleugh,
And they drew a’ weel eneugh:
I sell’d them a’ just ane by ane-
Gude ale keeps the heart aboon!
O gude ale comes, &c.

Gude ale hauds me bare and busy,
Gars me moop wi’ the servant hizzie,
Stand i’ the stool when I hae done-
Gude ale keeps the heart aboon!
O gude ale comes, &c.



Poem 512. Song-Guid ale keeps the heart aboon - Robert Burns