English poetry

Poems in English



93. The Rantin Dog, the Daddie o't

O WHA my babie-clouts will buy?
O wha will tent me when I cry?
Wha will kiss me where I lie?
The rantin’ dog, the daddie o’t.

O wha will own he did the faut?
O wha will buy the groanin maut?
O wha will tell me how to ca’t?
The rantin’ dog, the daddie o’t.

When I mount the creepie-chair,
Wha will sit beside me there?
Gie me Rob, I’ll seek nae mair,
The rantin’ dog, the daddie o’t.

Wha will crack to me my lane?
Wha will mak me fidgin’ fain?
Wha will kiss me o’er again?
The rantin’ dog, the daddie o’t.

1 Star2 Stars3 Stars4 Stars5 Stars (1 votes, average: 5.00 out of 5)

Poem 93. The Rantin Dog, the Daddie o't - Robert Burns
«