English poetry

Poems in English



191. Song-Theniel Menzies' Bonie Mary

IN comin by the brig o’ Dye,
At Darlet we a blink did tarry;
As day was dawnin in the sky,
We drank a health to bonie Mary.

Chorus.-Theniel Menzies’ bonie Mary,
Theniel Menzies’ bonie Mary,
Charlie Grigor tint his plaidie,
Kissin’ Theniel’s bonie Mary.

Her een sae bright, her brow sae white,
Her haffet locks as brown’s a berry;
And aye they dimpl’t wi’ a smile,
The rosy cheeks o’ bonie Mary.
Theniel Menzies’ bonie Mary, &c.

We lap a’ danc’d the lee-lang day,
Till piper lads were wae and weary;
But Charlie gat the spring to pay
For kissin Theniel’s bonie Mary.
Theniel Menzies’ bonie Mary, &c.


1 Star2 Stars3 Stars4 Stars5 Stars (1 votes, average: 5.00 out of 5)

Poem 191. Song-Theniel Menzies' Bonie Mary - Robert Burns